УСУ знішчаюць войска РФ на Данбасе: эпічная бітва дасягнула пералому

Расея пастанавіла пайсці ва-банк.

Нямеччына паабяцала перадаць Украіне нямецкія танкі Leopard 2. Кіраўнік абароннага камітэта Бундэстага Мары-Агнес Штрак-Цымерман пацвердзіла, што ЗША ўхваляць перадачу гэтых танкаў УСУ. Нават найлягчэйшы Leopard 2 важыць на дзесяць тон цяжэй, чым расейскія ці ўкраінскія танкі Т-72. Брані больш, экіпаж нямецкай машыны лепш абаронены. Не ў апошнюю чаргу з-за размяшчэння боекамплекта. Пачынаючы з 1980-х гадоў у "Леапардах" набоі да 120-міліметровай гарматы перанеслі далей ад людзей.

"Леапарды" могуць весці агонь з схованкі і не менш дзейсна страляць на хаду. Па якім бы рэльефе ні рухаўся танк, гармата будзе сачыць за цэллю. Прычым зробіць гэта з максімальнай плаўна. Нямецкія "Леапарды" стануць першымі несавецкімі танкамі ў арсенале УСУ. Чаму гэта лепш, чым калі б Украіне паставілі, напрыклад, амерыканскія Abrams? Рэч у тым, што "Леапарды" ўжо шмат гадоў стаяць на ўзбраенні нямецкага і, што яшчэ важней для Кіева, польскага войска. Тамака ёсць уся інфраструктура для абслугоўвання гэтых танкаў. Трэба толькі перавезці іх цераз мяжу. Вашынгтон згодны, што менавіта "Леапарды" павінны найперш атрымаць у УСУ.

“Гэта пацвердзілі і падчас майго візіту ў Вашынгтон ва ўсіх маіх дыскусіях: і ў Дзярждэпартаменце, і ў Кангрэсе, і ў Сэнаце. Нашы партнёры чакаюць, што Нямеччына выканае свае абавязальніцтвы», - заявіла Мары-Агнес Штрак-Цымерман, кіраўніца абароннага камітэта Бундэстага.

У сваім твіце кіраўніца абароннага камітэта Бундэстага спасылаецца на публікацыю выдання Frankfurter Allgemeine Zeitung. Са звестак журналістаў, толькі з запасаў кампаній Rheinmetall і Krauss-Maffei Wegmann Нямеччына можа паставіць Украіне 80 "Леапардаў" найбліжэйшым часам. Яшчэ 30 штук выкарыстоўваюць у цэнтры баявой падрыхтоўкі Бундэсвера для абазначэння танкаў супраціўніка. Іх могуць замяніць савецкія танкі з украінскіх запасаў.

Сітуацыю ў эфіры "Настоящего времени" пракаментаваў ваенны экспэрт Алег Жданаў.

- Нямеччына пакуль адназначна не заявіла аб пастаўцы танкаў Leopard ва Украіну, але такія перамовы вядуцца. Як хутка, ведаючы досвед з пастаўкамі іншага ўзбраення Бэрлінам, могуць першыя «Леапарды» апынуцца ва Украіне?

- Я думаю, што гэта можа заняць ад некалькіх тыдняў да некалькіх месяцаў. У прынцыпе Нямеччына паказвала як узор зацягвання паставак, так і ўзор іх хуткай перадачы. Таму ўсё будзе залежаць ад палітычнай абстаноўкі ў свеце і асабліва ад абстаноўкі на лініі фронту ва Украіне. Гэта, мусіць, будзе галоўным складнікам хуткасці перадачы машын.

- Мы бачым, што гэтыя танкі - супертэхналагічнае ўзбраенне. Ці трэба будзе ўкраінскаму боку перавучваць свае экіпажы? Напрыклад, зноўку наладжваць рамонт і абслугоўванне, і наогул якога калібру набоі будуць патрэбныя?

- У яго свой набой калібру 120 міліметраў. Пытанне ў тым, якой версіі яны перададуць нам гэтыя танкі. Калі А4, то гэтая версія не моцна адрозніваецца. Яна не настолькі высокатэхналагічная, каб працяглы час навучаць экіпажы. Вядома ж, калі б перадавалі версію А7, то тут так, я згодзен, што навучанне экіпажу заняло б больш часу. А так А4 самая распаўсюджаная версія. Калі мы самаходную артылерыйскую ўстаноўку Panzerhaubitze асвоілі за чатыры тыдні, то Leopard, я думаю, тым больш засвоім.

- А чаму раней не згаджаліся пастаўляць Украіне танкі несавецкай распрацоўкі? Што змянілася?

- Я думаю, змянілася сама сітуацыя з савецкімі танкамі і краін, якія жадаюць іх паставіць Украіне. Прыярытэт аддаваўся ўзорам савецкага ўзбраення, каб зменшыць час на падрыхтоўку экіпажаў. Цяпер запасы савецкага ўзбраення, відаць, пачынаюць высільвацца. Плюс трэба даць, як пісаў у сваім артыкуле наш галоўнакамандуючы, парытэтнае ўзбраенне, якое тэхналагічна было б альбо такое ж, альбо лепшае, чым у Расейскай Федэрацыі.

- Ці вядома вам, ці будуць іншыя краіны перадаваць Украіне нейкае яшчэ новае ўзбраенне, акрамя гэтых танкаў?

- На сённяшні дзень, хутчэй за ўсё, не. Ужо ўся лінейка ўзбраенняў ідзе ва Украіну. Пытанне толькі ў колькасці. У колькасных прапорцыях, я думаю, нешта будзе мяняцца: і пастаўкі асабліва артылерыі, і баявых браняваных машын, і танкаў. Будзем думаць, што Leopard гэта будзе першая ластаўка ў плане і колькасці машын. Восемдзесят - гэта два батальёны, яны не зробяць вялікага надвор'я. Калі б іх было некалькі сотняў, тады так, гэта магло б стаць вызначальнай рысай на нейкім з аператыўных кірункаў.

- Хочацца вас яшчэ спытаць пра баявыя дроны. Мы бачылі апошнія ўдары па тэрыторыі Расеі. Выданне Financial Times са спасылкай на свае крыніцы ва ўкраінскім урадзе гаворыць, што гэта былі ўкраінскія беспілотнікі, якія ствараліся супольна дзяржавай і прыватным бізнэсам. Як вы мяркуеце?

- Цалкам магчыма. Тут дзве версіі можна разгледзець. Па-першае, тое, што гэта Украіна - першая версія. І ў нас ёсць варыянт ты: старыя савецкія тыпу Ту-141, альбо гэта новыя ўкраінскія беспілотнікі, як дзяржаўнага выканання, так і прыватнымі кампаніямі выкананыя. Але, з іншага боку, я б не выключаў версію правакацыі ўнутры Расейскай Федэрацыі. Дагэтуль жа невядома, хто ўдарыў па Крымскім мосце і чым ударылі.

- А калі гэта правакацыя, то ў чым быў яе сэнс?

- Сэнс у тым, каб пераканаць Пуціна не працягваць гэтую вайну. Дарэчы, у генеральным штабе там ёсць цэлая фронда сярод генералаў, якія з'яўляюцца прыхільнікамі таго, каб вывесці рэшткі больш-менш баяздольных частак з Украіны і тым самым захаваць хаця б часткова Узброеныя сілы Расеі для развязання іншых аператыўных задач.

- Я правільна вас разумею, што вы маеце на ўвазе правакацыю, якую маглі ўчыніць расейскія генералы таемна ад адміністрацыі прэзідэнта?

- Як варыянт, так.

- Дапусцім, што гэта была правакацыя. Ці ёсць нейкія вынікі зараз?

- Вынікі ёсць. Пуцін напалоханы, праводзіць пастаянныя пасяджэнні Савета бяспекі Расейскай Федэрацыі, і яны вырашаюць, што рабіць далей. Плюс у асяроддзі Пуціна замяшанне, і мы з вамі чуем пра тое, што эліты і асяроддзе Пуціна пачынаюць рыхтаваць сабе запасныя аэрадромы. А гэта значыць, што ўлада хістаецца.

- А ход вайны, пасля ўсяго, што вы зараз сказалі, ужо пераламаны?

- Ход вайны на піку свайго пералому. Мяркуючы з таго, што на Данецкім кірунку Расея пайшла ва-банк: «мы памром, ці пераможам» - вось гэта і будзе канчатковым пераломам у вайне. Зыход бітвы за той жа Бахмут, Аўдзееўку, зыход бітвы за Данбас - эпічная бітва, пра якую мы казалі, што яна павінна была пачацца ў красавіку. Яна тады і пачалася. Вось зараз яна падыходзіць да свайго лагічнага заканчэння. І ад зыходу гэтай бітвы на Данбасе будзе залежаць далейшы ход падзей.

- Цяпер Украіна стварае новыя беспілотнікі. Аб гэтым сёння заявіў міністр абароны Украіны. Апроч гэтага, мы бачым гэтыя апошнія атакі. Ці можа Расея зрабіць спробу новых масаваных абстрэлаў? Ці які будзе адказ?

- А вось з адказам ужо вельмі складана для Расейскай Федэрацыі. Мяркуючы з таго, што стратэгічныя бамбавікі пачалі знікаць з гэтых аэрадромаў і перамяшчацца за палярны круг у раён Мурманска, то я так разумею, колькасць ракет у адначасовым залпе можа значна зменшыцца. А гэта кажа аб тым, што калі залп з сямідзесяці ракет не прыносіць бачнага эфекту, то залп, дапусцім, з 20-30 ракет наогул не будзе мець ніякага выніку.