Дзіўная істота з усмешкай маньяка

Пуцін яшчэ больш страціў сувязь з рэальнасцю.

Апошнія паводзіны Пуціна не вытрымліваюць ніякай крытыкі. Увогуле, ужо 20 гадоў вядома, што ў яго абсалютна іншы погляд на тое, што такое чалавек, але зараз ён увогуле дэманструе сябе як сапраўдны маньяк.

Такое меркаванне «24 каналу» агучыў дарадца кіраўніка Офіса прэзідэнта Украіны Міхаіл Падаляк.

Падаляк распавёў, што Пуцін прадэманстраваў сябе ва ўсёй сваёй прыгажосці 7 снежня на сустрэчы з радай у правах абароны чалавека. Гэта, вядома, ужо гучыць як аксюмаран у Расеі, але, тым не менш. На гэтай сустрэчы Пуцін сказаў, што «СВА працягнецца яшчэ доўга, але ў яе ёсць поспехі ў выглядзе пэўных захопленых тэрыторый і забітай пэўнай колькасці ўкраінцаў».

«У яго была ўсмешка маньяка. Відавочна, што гэта за псіхатып. Калі б у 2008 годзе прынялі патрэбныя пастановы аб парушэнні міжнароднага права, не было б 2014 года», - адзначыў дарадца кіраўніка Офіса прэзідэнта Украіны.

Ён дадаў, калі б у 2014 годзе свет больш жорстка паставіўся да анэксіі Крыма, падтрымаў бы Украіну зброяй, не было б зараз крывавай вайны ў 2022 годзе. Тое, якім напраўду з'яўляецца Пуцін, было зразумела пасля Беслана ў 2003 годзе. Трэба было не падлашчвацца да яго і не баяцца яго.

Са слоў дарадцы кіраўніка Офіса прэзідэнта Украіны, Пуцін наогул жыве ў паралельным свеце. Ён заявіў аб тым, што яму ўдалося тое, чаго не ўдалося Пятру I - дайсці да Азоўскага мора і абвясціць яго ўнутраным морам Расеі. Хоць у Расеі Таганрог стаіць на ўзбярэжжы Азоўскага мора.

«Ён таксама можа сказаць, што ніхто ў свеце не выкарыстоўваў крылатыя ракеты масава па аб'ектах энэргетыкі, а ён гэта зрабіў. Добра, дык што, даць яму Нобэлеўскую прэмію ці што? Зразумела, што ён не адносіцца да чалавечай цывілізацыі як такой, з пункту гледжання каштоўнасцяў. Ужо 20 гадоў усім зразумела, што ў іх іншы погляд на тое, што такое чалавек», - заўважыў Падаляк.

Ён таксама сказаў, што ўвогуле нядрэнна тое, што Пуцін увесь час публічна фіксуе факты ваенных злачынстваў. У такім выпадку следству нават даказваць нічога не трэба, бо ёсць заявы дыктатара аб тым, якія напраўду матывы гэтай вайны - забіць украінцаў, захапіць тэрыторыі.