СМІ: Ала Пугачова вернецца ў Расею

Але ненадоўга.

Расейскія СМІ распаўсюджваюць інфармацыю, што спявачка Ала Пугачова, якая пераследуецца ў Расеі разам з мужам Максімам Галкіным, збіраецца прыехаць на радзіму на навагоднія святы. Пра гэта заявіў вядомы двайнік Прымадонны Данііл Калатура, паведамляе news.ru.

“У мяне ёсць інфармацыя аб тым, што Ала Барысаўна прыедзе ў Маскву на навагоднія святы. Не ведаю, на колькі дзён, але прыедзе”, - сцвярджае ён.

Пры гэтым Калатура ўдакладніў, што Пугачова "любіць Расею". Нагадаем, саму краіну ў сваіх допісах Прымадонна не крытыкуе, але яна бязлітасна “разносіць” крамлёўскі рэжым і ягоных паслугачоў, якія падтрымліваюць вайну супраць Украіны.