Брытанская выведка паказала актуальную мапу баёў ва Украіне
- 9.12.2022, 15:50
- 4,048
УСУ правялі шэраг паспяховых контратак.
Расейскія войскі працягваюць спробы наступальных аперацый на ўсходнім накірунку. Там акупанты спрабуюць прарвацца на трох адрэзках.
Пра гэта паведамляе РБК-Украіна са спасылкай на мапу, апублікаваную ў Twitter Мінабароны Брытаніі.
Паводле інфармацыі брытанскай выведкі, сітуацыя ва ўсходніх рэгіёнах краіны застаецца напружанай. У Данецкай вобласці прадаўжаюцца разлютаваныя баі каля Бахмута, дзе варожыя войскі не спыняюць спроб прарыву ўкраінскіх пазіцый.
Акрамя таго, наступальныя дзеянні, паводле звестак брытанскай спецслужбы, расейцы праводзяць пад Сватавым і Крамянной (Луганская вобласць). Аднак поспехаў на гэтым кірунку акупанты не маюць.
Узброеныя сілы Украіны, у сваю чаргу, контратакуючымі ўдарамі супрацьстаяць агрэсіі расейцаў.
Сітуацыя на іншых адрэзках фронту пакуль стабільная. Агнявая актыўнасць назіраецца ў Херсонскай і Запарожскай абласцях. Там украінцы кропкавымі ўдарамі адпрацоўваюць тылавыя пазіцыі расейскіх войскаў.
Нагадаем, раней у брытанскай выведцы дапусцілі, што расейскае войска атрымала новую партыю беспілотнікаў з Ірана. Такое меркаванне аргументаванае тым, што напады на Украіну з дапамогай дронаў аднавіліся.