Прэзідэнт Фінляндыі патэлефанаваў Пуціну і паведаміў аб уступленні ў NATO
43- 14.05.2022, 18:45
- 35,612
Рэакцыя кіраўніка Крамля пакуль невядомая.
Аб намеры Фінляндыі ўступіць у Паўночнаатлантычны альянс прэзідэнт Саўлі Нііністэ распавёў прэзідэнту РФ Уладзіміру Пуціну праз тэлефон.
Пра гэта паведамляе Bloomberg.
Падчас размовы фінскі прэзідэнт абвясціў аб пастанове падаць заяўку на чаленства ў NATO. Рэакцыя гаспадара Крамля пакуль невядомая.
«Прэзідэнт Фінляндыі правёў размову з прэзідэнтам Расеі Пуціным. Нііністэ заявіў Пуціну, што Фінляндыя настроеная ўступіць у NATO», – гаворыцца ў паведамленні.
Раней Расея прыстрашыла «ваеннымі крокамі» і іншымі захадамі ўплыву, калі Фінляндыя і Швэцыя далучацца да NATO. У Маскве еўраатлантычныя імкненні абедзвюх дзяржаў назвалі пагрозай нацбяспецы.
Нагадаем, што прэзідэнт Нііністэ скаардынаваў наступныя крокі па ўступленні ў NATO з прэзідэнтам ЗША Байдэнам.