Латвія забараніла чыгуначны транзіт вайсковых грузаў з Беларусі

Пагадненне паміж краінамі было ўкладзенае яшчэ ў 1994 годзе.

Латвія забараніла прамыя чыгуначныя перавозкі вайсковых грузаў з Беларусі ў трэція краіны праз парты сваёй краіны.

Пра гэта паведамляе Delfi са спасылкай на Міністэрства паведамлення Латвіі.

«З 10 траўня Латвія прыпыніла дзеянне пагаднення, якое дазваляла прамыя чыгуначныя перавозкі вайсковых грузаў з Беларусі ў трэція краіны праз латвійскія парты», - гаворыцца ў паведамленні.

Як зазначаецца, пагадненне пра прамую перавозку беларускіх вайсковых грузаў на пастанову ўрада было прынятае 25 студзеня 1994 года, калі Латвія яшчэ не ўступіла ў Еўразвяз.

«Латвія ўступіла ў ЕЗ 1 траўня 2004 года, а 29 сакавіка 2004 года стала сябрам NATO, а таму звязана прававымі нормамі гэтых міжнародных арганізацый і пагадненне з Беларуссю адпавядае гэтым правілам. Зрэшты, дзяржкіраванне Латвіі ў цэлым пераглядае двухбаковыя дачыненні з РФ і Беларуссю ў кантэксце вайны Расеі ва Украіне», - адзначаецца ў заяве.