Італія адбіла нечакана кароткую кібератаку РФ на серверы «Еўравізіі» падчас фіналу конкурсу

У якасці арганізатараў ідэнтыфікаваная хакерская група Killnet і яе філіял «Легіён».

Паліцыя Італіі сцвярджае, што перашкодзіла хакерскім атакам прарасейскіх груп падчас паўфіналу і фіналу песеннага конкурсу Еўравізія, які праходзіў у італьянскім Турыне. Пра гэта паведамляе Reuters.

Італьянская паліцыя сцвярджае, што падчас галасавання і выступаў удзельнікаў як у паўфінале 10 траўня, так і падчас фіналу 14 траўня, паліцыя змякчыла некалькі кібератак на сеткавую інфраструктуру.

У якасці арганізатараў нападу ідэнтыфікаваная хакерская група Killnet і яе філіял «Легіён». У паведамленні не ўдакладняюцца дэталі нападу, а таксама дзеянні, распачатыя ўладамі.

У Telegram-канале, які каардынуе групу «Легіён», увечары ў суботу, яшчэ да пачатку галасавання, сапраўды ажыццяўлялася каардынацыя DDOS-напады на серверы песеннага конкурсу Еўравізіі. Аднак гэтая атака доўжылася ўсяго 13 хвілін, пасля чаго каардынатары далі ўказанне спыніць атаку без тлумачэнняў.

Пасля арганізатары былі вымушаныя пераконваць удзельнікаў групы аб тым, што кібернапад сапраўды трэба спыніць і заклікалі «паставіцца да просьбы з разуменнем».