Краіны G7 падтрымалі ініцыятыву перадаваць арыштаваныя актывы РФ Украіне

Пра гэта паведаміў украінскі міністр замежных спраў Дзмітрый Кулеба.

Прадстаўнікі краін «Вялікай сямёркі» станоўча ставяцца да ідэі перадаваць арыштаваныя расейскія актывы на аднаўленне Украіны.

Пра гэта паведамляе РБК-Украина са спасылкай на міністра замежных спраў Дзмітрыя Кулебы.

«Пра дэталі не магу гаварыць, скажу адзінае, што вельмі добра заходзіць ідэя аб тым, што трэба расейскія актывы не проста арыштоўваць, але і перадаваць Украіне на аднаўленне нашай дзяржавы, размова ідзе пра сотні мільярдаў еўраў», - расказаў кіраўнік украінскага дыпламатычнага ведамства.

Таксама ён дадаў, што краіны G7 жадаюць далучыцца да працэсу аднаўлення Украіны, між іншым, у рэканструкцыі гарадоў, аб'ектаў інфраструктуры і рэгіёнаў, пашкоджаных вайной.

Пры гэтым яны ўхваляльна адрэагавалі на ідэю прэзідэнта Уладзіміра Зяленскага адносна «шэфства» кожнай краіны над аднаўленнем асобнага рэгіёну.

«Добра гэта ідэя заходзіць партнёрам. Я думаю, што ўсё будзе добра, мы пабудуем гэту працу адпаведным чынам», - рэзюмаваў міністр.