У Растоўскай вобласці РФ у ваенкамат кінулі кактэйль Молатава
6- 15.05.2022, 14:31
- 5,704
Мужчына быў апрануты ў чорнае адзенне.
У расейскім горадзе Гукава Растоўскай вобласці, паводле папярэдніх звестак, мужчына сярэдняга целаскладу кінуў бутэльку з запальнай сумессю (кактэйль Молатава) у сцяну будынка, у якім знаходзіцца вайсковы камісарыят, і ўцёк.
Спроба дыверсіі адбылася 13 траўня ўначы па адрасе вул. Чырвоная Горка, 68, паведамляе Telegram-канал «Че по Ростову?», паведамляе УНИАН.
З ягоных звестак, мужчына быў апрануты ў чорнае адзенне.
Таксама з'явілася інфармацыя, што пажар ліквідавалі супрацоўнікі ваенкамату, і абышлося без маёмасных страт і пацярпелых. Падазраванага шукаюць.
Інцыдэнт у Гукаве здарыўся прыблізна а 02:05 паводле мясцовага часу, піша 161.ru, спасылаючыся на звесткі крыніцы ў праваахоўных органах.