Генеральны сакратар NATO: Украіне па сілах перамагчы ў вайне супраць Расеі
3- 15.05.2022, 18:31
- 4,340
Планы Пуціна зазналі паразу.
Поспехі, якія прадэманстравала Украіна ў барацьбе супраць расейскай агрэсіі ад пачатку шырокамаштабнага ўварвання, паказалі, што Узброеныя сілы Украіны могуць перамагчы Расею ў вайне.
Краіне-агрэсару РФ не ўдалося ўвасобіць у жыццё свае першапачатковыя планы. Пра гэта заявіў генеральны сакратар NATO Енс Столтэнбэрг, піша Sky News.
«Украіна можа перамагчы ў гэтай вайне. Расеі не ўдалося выканаць свае першапачатковыя планы», – заявіў генеральны сакратар Паўночнаатлантычнага альянсу.
Ён падкрэсліў, што расейскім войскам не ўдалося захапіць Кіеў і Харкаў, а цяпер яны спрабуюць штурмаваць украінскія сілы на Данбасе - але без асаблівых поспехаў.