Улады Чачэніі прыпынілі набор кадыраўцаў, пасля таго як ГУР апублікавала іх звесткі

Сярод наймітаў было шмат крымінальнікаў і экстрэмістаў.

У Чачэніі прыпынілі набор кадыраўцаў на вайну з Украінай пасля таго, як Галоўная ўправа выведкі апублікавала асабовыя звесткі амаль 2500 баевікоў, набраных чачэнскімі ўладамі. Пра гэта паведамляе Telegram-канал "Можам растлумачыць" (раней - "Адкрытыя медыя" Міхаіла Хадаркоўскага).

Высветлілася, што сярод кадыраўцаў шмат крымінальнікаў і экстрэмістаў.

Выданне ідэнтыфікавала ўжо некалькі дзясяткаў чалавек з крымінальным мінулым. Сярод іх - "знакаміты на ўвесь Краснаярскі край махляр", які адбываў 15 гадоў зняволення за махлярства з аўтамабілямі; наркагандляр; чалавек, які адбываў пакаранне за замах на забойства; псеўдамінёр і г.д.

Пасля публікацыі ГУР улады Чачэніі прыпынілі набор у свае падраздзяленні, патлумачыўшы гэта вялікай колькасцю людзей, якія ўжо выказалі жаданне ваяваць супраць Украіны.

У той жа час у Telegram-канале, дзе набіралі добраахвотнікаў, з'явілася паведамленне аб тым, што людзей, якія мелі праблемы з законам, больш браць на вайну не будуць.

Са звестак ГУР, ва ўварванні ва Украіну ўдзельнічала блізу 2500 баевікоў з Чачэніі. Недзе 100 з іх былі ліквідаваныя, 300 – параненыя, больш за 60 – уцяклі з Украіны, кінуўшы зброю і амуніцыю.

У ГУР пішуць, што кадыраўцы пачалі заходзіць у першыя дні нападу, асноўнай задачай было застрашванне і генацыд украінцаў. Знаходзячыся ў другім эшалоне, яны займаліся ператрусамі жылля, здзекамі з закладнікаў і мірнымі насельнікамі, разбоем і крадзяжамі.

Калі расейцы пачалі несці маштабныя страты, баевікам з Чачэніі загадалі выконваць ролю загараджальнага атрада - паказальна расстрэльваць падраздзяленні, якія адыходзілі і адмаўляліся ваяваць.