Камандаванне ЧФ РФ вядзе сачэнне за роднымі загінулых на крэйсеры «Масква»

Расея ўтойвае сапраўдныя страты ў выніку патаплення судна.

Флагман Чарнаморскага флоту «Масква» быў падбіты дзвюма ўкраінскімі супрацькарабельнымі ракетамі «Нептун» 13 красавіка.

Расейскае камандаванне дагэтуль не паведамляе сваякам сотні «зніклых без вестак» маракоў на патопленым Украіне крэйсеры «Масква» аб лёсе вайсковых.

Пра гэта ў інтэрв'ю «Медузе» паскардзілася маці аднаго з такіх «зніклых» па імені Вольга.

Пасля звароту да Чарнаморскага флоту жанчына заўважыла за сабой сачэнне.

«Яны (прадстаўнікі Чарнаморскага флоту) вельмі не хацелі, каб я размаўляла з кімсьці з СМІ. Кожны дзень тэлефанавалі і казалі, што спрабуюць знайсці зніклых матросаў. Яшчэ кіраўніцтва флоту прыставіла да мяне дзвюх дзяўчын, якія ўвесь час за мной хадзілі. Я так разумею, што яны за мной сачылі. Я выдатна разумею, што ніхто з іх нават пальцам не паварушыў», - падзялілася расейка.

Жанчыне, нягледзячы на забарону ЧФ, удалося пабываць у трох шпіталях, дзе, паводле яе падліку, знаходзілася амаль 20 маракоў, якія выжылі, але ўсе яны адмаўляліся расказваць пра падзеі на «Маскве».

З яе слоў, маракоў, якія выжылі, прымусілі пагадзіцца на падпіску аб невыдаванні.

«Я ездзіла ў шпіталі і вайсковыя часткі, я капала ўсюды, дзе можна накапаць. Нідзе няма ніякай інфармацыі. Як быццам нідзе нікога і не было. Мне не давалі ніякай інфармацыі і было адчуванне, што яны проста вадзілі мяне за нос. Мне не паказалі нікога з цяжкапараненых», - дадала яна.

Па прыездзе з Севастопаля расейку сустрэла прадстаўніца праваахоўных органаў (жанчына дапускае, што за ёй сачылі ўсю дарогу), абедзве абавязаліся шукаць «зніклага» разам.

Расейка размаўляла з бацькамі іншага «зніклага» марака, якія казалі, што даб'юцца справядлівасці, але потым не атрымала ад іх ніякага адказу. Вольга думае, што іх таксама запалохалі.

Флагман Чарнаморскага флота «Масква» быў падбіты дзвюма ўкраінскімі супрацькарабельнымі ракетамі «Нептун» 13 красавіка.

Паводле звестак СМІ, у той час на судне знаходзіліся сотні маракоў, у тым ліку тэрміновай службы.

Маці аднаго з загінулых чальцоў экіпажа расказала, што расейцы тады накіроўваліся на высадку дэсанта ў Адэсе.

Расея ўтойвае сапраўдныя страты ў выніку патаплення крэйсера; расейскае камандаванне таксама зняпраўджвае, што судна было падбітае Украінай.