Харкаўчане масава вяртаюцца дадому
3- 16.05.2022, 19:14
- 6,610
У горад ужо вярнулася амаль 600 тысяч чалавек.
У Харкаў за апошнія тыдні вярнуліся ўжо амаль 600 тысяч чалавек. Пра гэта заявіў кіраўнік Харкаўскай АВА Алег Сінягубаў.
З ягоных слоў, толькі цягнікамі ў горад штодзень вяртаецца больш за дзве тысячы чалавек штодзень.
«Трэба забяспечваць транспартную лагістыку, каб людзі маглі дабірацца да работы. Улічваючы, што метро - адзін з самых бяспечных тыпаў транспарту, будзем працаваць над тым, каб у найбліжэйшыя тыдні яго запусціць», - расказаў губернатар.
Таксама трэба будзе развязваць пытанне пра размяшчэнне людзей, якія апошнія месяцы жылі ў метро і якім няма дзе жыць.
«Акрамя таго, ж жыхары Харкаўшчыны таксама вяртаюцца ў вызваленыя ад акупантаў тэрыторыі. Пакуль яшчэ працягваецца вельмі вялікая праца ў размінаванні», – напісаў Сінягубаў у Telegram.