Макрон прызначыў новую прэм'ер-міністарку Францыі
7- 16.05.2022, 20:25
- 5,298
Гэта другі выпадак у гісторыі Францыі, калі ўрад узначаліла жанчына.
Былая міністарка працы Элізабэт Борн была прызначаная новай прэм'ер-міністаркай Францыі.
Пра гэта паведамляе Елісейскі палац.
«Прэзідэнт Рэспублікі Эмануэль Макрон прызначыў спадарыню Элізабэт Борн прэм'ер-міністаркай і даручыў ёй сфармаваць новы ўрад», – гаворыцца ў паведамленні.
Элізабэт Борн стала другой жанчынай, якая заняла пасаду прэм'ер-міністаркі Францыі. 30 гадоў таму Эдыт Крэсан займала гэтую пасаду на працягу 11 месяцаў.