На Луганшчыне УСУ выбілі акупантаў з-пад Горнага і Сіроціна

Вораг адступіў з вялікімі стратамі.

Узброеныя сілы Украіны выбілі расейскіх акупантаў з-пад Горнага і Сіроціна пад Севераданецкам на Луганшчыне. Рашысты панеслі значныя страты і адступілі.

Пра гэта паведаміў старшыня Луганскай абласной вайскова-грамадзянскай адміністрацыі Сяргей Гайдай.

"Артылерыйскім абстрэлам нанесеная шкода дзевяці дамах у Горным і шасці - у Залатым. Дарэчы, штурмуючы Горную грамаду, расейцы вымушаны былі адысці, як і ў раёне Сіроціна паблізу Севераданецка. Страты ворага - лікавыя", - адзначыў кіраўнік вобласці.

Паводле ягоных слоў, за дзень 16 траўня ўкраінскія абаронцы адбілі на Луганшчыне 11 атак, знішчылі вялікую колькасць варожай тэхнікі. Ліквідаваны зенітны ракетны комплекс "Тор", пяць танкаў, шэсць артылерыйскіх сістэм (з іх тры РСЗА), 12 адзінак баявой браняванай тэхнікі, адзін аўтамабіль.

Таксама ўкраінскія падраздзяленні СПА збілі адзін варожы самалёт Су-25 і тры беспілотныя лятальныя апараты тыпу "Арлан-10".