Затрыманы былы вядоўца БТ

Яго абвінавачваюць у «абразе прадстаўнікоў улады».

Праваабаронцам ПЦ «Вясна» стала вядома пра тое, што ўжо больш за два месяцы за кратамі знаходзіцца журналіст Зміцер Лукша, былы вядоўца праграмы «Зона X» на тэлеканале «Беларусь 1» і пазаштатны карэспандэнт казахскага тэлеканала «Хабар 24». Нагодай для затрымання і стаў апошні сюжэт для тэлеканала.

Змітра Лукшу затрымалі 11 красавіка ў кватэры ў Менску. Спачатку яму інкрымінавалі абразу прадстаўніка ўлады (арт. 369 КК Беларусі), потым дадалася арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх (арт. 342 КК).

Лукша ў СІЗА на Валадарскага.