У Воранаўскім раёне раз'юшаны бык забіў працоўнага фермы

Начальства спрабавала ўтаіць няшчасны выпадак і лекараў выклікала занадта позна.

У Воранаўскім раёне вечарам 12 траўня, нягледзячы на спробы рэанімацыі, памёр 59-гадовы палявод мясцовай фермы.

Паводле папярэдніх звестак установы, пасля абеду на ферме праводзілася ўзважванне быка. Раз'юшаная жывёліна пагналася за паляводам. Дагнаўшы мужчыну, бык прыціснуў яго грудзьмі да агароджы загону, затым ударыў некалькі разоў рагамі, падкінуў у паветра і перакінуў яго праз агароджу.

У выніку няшчаснага выпадку мужчыну прычыненыя цяжкія цялесныя пашкоджанні, ад якіх ён памёр. Прычынай смерці з'явіліся шматлікія траўмы.

«Следствам выяўленыя шматлікія парушэнні правілаў аховы працы, як з боку брыгадзіра, так і з боку работніка, што і пацягнула за сабой яго гібель. У выпадку хуткага рэагавання і надання медыцынскай дапамогі, смерці палявода можна было пазбегнуць, а несвоечасовы выклік лекараў з'явіўся адной з прычын гібелі мужчыны», - адзначылі ў СК.

У дачыненні да 40-гадовага брыгадзіра фермы распачатая крымінальная справа на падставе ч.2 арт. 06 (парушэнне правілаў аховы працы, якое прывяло па неасцярожнасці да смерці чалавека) Крымінальнага кодэкса Беларусі. Яму пагражае да пяці гадоў пазбаўлення волі.