Лізавета ІІ у жоўта-сінім уборы адкрыла новую лінію лонданскага вакзала

Фотафакт.

Каралева Вялікабрытаніі Лізавета II асабіста з'явілася на адкрыцці новай лініі Элізабэт на вакзале Падынгтан у Лондане. Для выхаду ў свет Яе Вялікасць выбрала ўбор у сіне-жоўтых колерах. Адпаведныя фота з'явіліся на старонцы каралеўскай сям'і ў Instagram.

Манарха сфатаграфавалі ў аўторак, 17 траўня, ля мемарыяльнай дошкі ў гонар афіцыйнага адкрыцця новай лініі чыгуначных злучэнняў.

Для выхаду на публіку каралева надзела жоўтае паліто і такога ж колеру капялюш з блакітным дэкорам у выглядзе кветкі.

Карыстальнікі палічылі гэты ўбор знакам увагі і падтрымкі Украіне.

«Каралева Лізавета II адкрыла чыгуначную лінію імя сябе на вакзале Падынгтан у Лондане. Ацаніце каляровую гаму ўбору», - пішуць украінскія карыстальнікі.