ЕЗ не дапусціць, каб ва Украіне скончылася зброя

Пра гэта заявіў кіраўнік еўрапейскай дыпламатыі.

Кіраўнік еўрапейскай дыпламатыі Жазэп Барэль заявіў, што Еўразвяз не пакіне Украіну без вайсковай дапамогі для абароны ад расейскай агрэсіі. Пра гэта паведамляе Reuters.

«Еўрапейскі звяз не дапусціць, каб Украіна пазбавілася тэхнікі», - заявіў Барэль у аўторак, 17 траўня.

Раней кіраўнік МЗС Украіны Дзмітрый Кулеба паведамляў, што сітуацыя з пастаўкамі зброі ва Украіну ў апошні час значна палепшылася, але дадаў, што на гэты момант існуе дзве вялікія праблемы. З ягоных слоў, першая - гэта пастаўкі рэактыўных сістэм залпавага агню MLRS. А другі прабел, які трэба запоўніць - авіяцыя, паведаміў ён.