Bloomberg: ЗША маюць намер заблакаваць Расеі магчымасць выплат па дзяржаўнаму абавязку

Такі крок наблізіць РФ да дэфолту.

Улады ЗША плануюць пазбавіць Расею магчымасці праводзіць выплаты па аблігацыях ужо 25 траўня. У выніку гэтага дэфолт у РФ наступіць яшчэ хутчэй, чым чакалася.

Пра гэта паведамляе Bloomberg.

Адзначаецца, што Міністэрства фінансаў ЗША анулюе дзеянне так званай генеральнай ліцэнзіі, якая выключае з-пад антырасейскіх санкцый магчымасць выплат у абслугоўванні часткі суверэннай пазыкі РФ.

Ліцэнзія, тэрмін дзеяння якой заканчваецца 25 траўня, дазволіла Расеі прадоўжыць рабіць выплаты ў аблігацыях. Гэта дало краіне магчымасць прадухіліць дэфолт.

Паводле інфармацыі выдання, адміністрацыя Байдэна наважыла не працягваць дзеянне ліцэнзіі для таго, каб аказаць яшчэ большы эканамічны ціск на РФ.