Падзенне беларускай эканомікі паскараецца

Асноўны "ўнёсак" у скарачэнне ВУП унесла апрацоўчая прамысловасць.

За чатыры месяцы гэтага года ВУП Беларусі скараціўся на 2,1 адсотка. Калі параўноўваць з красавіком мінулага года, то падзенне складзе 6,5%, піша belmarket.by.

З папярэдніх ацэнак Белстата, валавы ўнутраны прадукт склаў 57,39 млрд рублёў, скараціўшыся за студзень-красавік на 2,1%. У гадавым вылічэнні ВУП скарачаецца ўжо тры месяцы запар.

Асноўны ўнёс у скарачэнне валавога прадукту ўнесла апрацоўчая прамысловасць - мінус 2,8 адосткавыя пункты. Агулам прамысловая вытворчасць у красавіку ўпала на 10,6% у параўнанні з аналагічным перыядам мінулага года.

Таксама ціск на эканоміку меў гандаль - мінус 1,8 п.п. Яго дададзеная вартасць скарацілася на 20 адсоткаў.

У красавіку паказалі мінус амаль усе галіны эканомікі: і сельская гаспадарка, і інвестыцыі, і транспарт.