КДБ затрымаў дырэктара газеты «Белорусы и рынок»
6- 18.05.2022, 14:47
- 8,684
Таксама затрыманая бухгалтарка выдання.
Сёння КДБ затрымаў дырэктара газеты «Белорусы и рынок» Канстанціна Залатых. Таксама затрыманая бухгалтарка выдання Юлія Кахно. З галоўным рэдактарам газеты Андрэем Аляксандравічам няма сувязі, паведамляе «Еўрарадыё».
Са слоў жонкі Залатых, яму інкрымінуюць артыкул 130 КК Беларусі - «распальванне нацыянальнай варожасці». У яго канфіскаваны ноўтбук і сродкі сувязі. Прыкладна гадзіну таму дырэктар газеты «Белорусы и рынок» у суправаджэнні траіх следчых зайшоў у рэдакцыю выдання.
