16 жнiўня 2022, aўторак, 11:04
Сім сім, Хартыя 97!
Рубрыкі

Канада можа замяніць Беларусь на ўкраінскім рынку угнаенняў

4
Канада можа замяніць Беларусь на ўкраінскім рынку угнаенняў

«Белкалію» знайшлі замену.

Пасля таго, як Канада на год скасуе імпартныя падаткі на ўкраінскія тавары, канадскія калійныя ўгнаенні могуць стаць асноўнымі на рынку Украіны і тым самым замяніць беларускі калій, піша сайт «Белорусы и рынок».

Аб магчымай ролі Канады на ўкраінскім рынку калійных угнаенняў паведаміў Украінскі клуб аграрнага бізнэсу. У справаздачы клуба гаворыцца, што Канада з'яўляецца найбуйнейшым у свеце вытворцам і экспарцёрам калійных угнаенняў. Гэта краіна вырабляе бязмала 12 мільёнаў тон калію, што складае больш за 20% сусветнай вытворчасці.

Пры гэтым у 2021 годзе Украіна імпартавала 287,5 тысячы тон калійных угнаенняў, з якіх 69 адсоткаў паступіла з Рэспублікі Беларусь.

«На зразумелыя прычыны, закупы з гэтай краіны ў далейшым рабіцца не будуць. Таму аграрыям Украіны неабходна шукаць альтэрнатыўных пастаўшчыкоў, і Канада можа стаць адным з іх. Скасаванне імпартных падаткаў можа стаць дадатковым фактарам, бо павысіць канкурэнтаздольнасць украінскай аграрнай прадукцыі на канадскім рынку. Такім чынам, Украіна зможа закупляць калійныя ўгнаенні ў Канадзе, у сваю чаргу, адпраўляючы на тым жа транспарце сваю аграрную прадукцыю, якая цяпер у лішку ёсць на ўкраінскім рынку», - гаворыцца ў паведамленні асацыяцыі.

Паводле інфармацыі Украінскага клуба аграрнага бізнэсу, у 2021 годзе Канада імпартавала 2,8 млн тон кукурузы, 1,2 млн тон сланечнікавага шроту і 0,5 млн тон соевых бабоў. Менавіта гэтыя пазіцыі Украіна можа пастаўляць на рынак Канады праз марскія парты краін Балтыі.

У асацыяцыі нагадалі, што да пачатку ваенных дзеянняў Украіна мела нязначныя аб'ёмы экспартных паставак сельгаспрадукцыі ў Канаду, што было звязанае не толькі са значнай тэрытарыяльнай аддаленасцю гэтай краіны, але і дастаткова высокім узроўнем развіцця канадскага аграпрамысловага комплексу.

Так, цягам 2021 года ў Канаду было пастаўлена сельгаспрадукцыі на суму 29,3 млн даляраў, з якіх 49% экспартнага прыбытку сфармаваў яблычны сок, 18% - сланечнікавы алей і 11% - соевыя бабы.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».