30 верасня 2022, Пятніца, 12:43
Сім сім, Хартыя 97!
Рубрыкі

Бронецягнік у агні: сталі вядомыя падрабязнасці знішчэння ў Мелітопалі асабовага складу ворага

15
Бронецягнік у агні: сталі вядомыя падрабязнасці знішчэння ў Мелітопалі асабовага складу ворага
иллюстративное фото

Выбухоўка, якая была ўсталяваная на рэйках, здэтанавала пад вагонам з асабовым складам акупантаў.

У часова акупаваным Мелітопалі ўкраінскія партызаны падарвалі бронецягнік расейскіх акупантаў. Пра гэта паведамляе партал «РИА Мелитополь» са спасылкай на ўласныя крыніцы.

Дыстанцыйны падрыў бронецягніка расейскіх акупантаў быў ажыццёўлены непадалёк ад мясакамбіната. Састаў поезда - 10 вагонаў, падрыў быў ажыццёўлены пад вагонам з асабовым складам.

Паводле звестак выдання, узрыўчатка, усталяваная на рэйках, здэтанавала пад вагонам з асабовым складам. Пасля выбуху пашкоджаныя два чыгуначныя шляхі, бронецягнік спынены, таксама спынены лакаматыў з 10-ю цыстэрнамі ГЗМ, які рухаўся за бронецягніком. Колькасць параненых і загінулых акупантаў цяпер удакладняецца.

Як пішуць журналісты, храналогія падзеяў выглядае так – спярша ў Мелітопалі прагрымеў выбух. А затым на скрыжаванні вуліц Шміта і Івана Аляксеева былі чутныя аўтаматныя чэргі.

Далей дакладна вядома, што вакол сваёй камендатуры акупанты за гадзіну да выбуху выставілі ачапленне. Нібыта чакалі візіту нейкага расейскага генерал-маёра, які павінен быў праездам выехаць у Бярдзянск з інспекцыяй.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».