11 жнiўня 2022, Чацвер, 23:08
Сім сім, Хартыя 97!
Рубрыкі

Акупанты плануюць адправіць на вайну студэнтаў з «ДНР»

11
Акупанты плануюць адправіць на вайну студэнтаў з «ДНР»

Людскія рэзервы ў ворага заканчваюцца.

Акупанты плануюць прыцягваць да баявых дзеянняў студэнтаў з часова акупаваных тэрыторый Данецкай вобласці.

Пра гэта на сваёй старонцы ў Facebook паведамляе Генштаб Узброеных сіл Украіны.

«За адсутнасцю мабілізацыйнага рэсурсу на часова акупаваных тэрыторыях Данецкай вобласці акупацыйнае вайсковае камандаванне плануе прыцягнуць да баявых дзеянняў студэнтаў вышэйшых навучальных устаноў», – гаворыцца ў паведамленні.

Праблемы з мабілізацыяй у РФ - што вядома

У расейскіх акупантаў узніклі сур'ёзныя праблемы з мабілізацыяй грамадзян для вайны супраць Украіны. Паводле звестак ГУР Мінабароны, у Расеі працягваюцца спробы праводзіць так званую «ўтоеную мабілізацыю» - праводзіцца актыўная агітацыйная кампанія, а таксама накіраванне ў зону баявых дзеянняў выпускнікоў і курсантаў вайсковых вучэльняў.

Пры гэтым у Генштабе УСУ заявілі, што ў прымежных абласцях Расейская Федэрацыя трэніруе амаль 2,5 тысячы рэзервістаў, якіх потым аправяць ваяваць ва Украіну.

У той жа час праз маштабныя страты ў жывой сіле на тэрыторыі часова акупаваных Данецкай і Луганскай абласцей у рамках мабілізацыі рашысты паінфармавалі кіраўніцтва мясцовых прадпрыемстваў аб тым, што неабходна правесці «зверку звестак» жанчын ва ўзросце ад 18 да 45 гадоў.

У сваю чаргу дарадца гарадскога кіраўніка Марыупаля Пётр Андрушчанка адзначае, што ў Данецку адбываецца «глабальны бунт родных» супраць мабілізацыі. А паводле звестак кіраўніка Луганскай абласной Вайсковай адміністрацыі Сяргея Гайдая, на акупаванай частцы вобласці мужчынам, якія адмаўляюцца ад мабілізацыі на вайну, пагражаюць расстрэламі.

Акрамя таго, дарадца міністра ўнутраных спраў Віктар Андрусіў паведаміў, што Крэмль наважыў адправіць на вайну супраць Украіны вайскоўцаў з часова акупаванага Крыма, якія прысягнулі ў 2014 годзе.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».