11 жнiўня 2022, Чацвер, 22:55
Сім сім, Хартыя 97!
Рубрыкі

Прапагандысты пачалі рыхтаваць расейцаў да «нечаканых» вынікаў вайны

18
Прапагандысты пачалі рыхтаваць расейцаў да «нечаканых» вынікаў вайны

Крамлёўскія «экспэрты» выкарыстоўваюць капітуляцыйную рыторыку.

Расейскія прапагандысты ўзялі так званую аператыўную паўзу для перабудовы стратэгіі вядзення інфармацыйнай вайны супраць Украіны. Пра гэта паведамілі ў Цэнтры супрацьдзеяння дэзінфармацыі пры РНБА.

Крамлёўскія медыя пачалі рыхтаваць расейцаў да «нечаканых вынікаў»: паразы ў вайне і капітуляцыі. Аргументам на карысць гэтага з'яўляецца медыйнае зацішша ў прапагандысцкіх СМІ і капітуляцыйная рыторыка іх экспэртаў.

У ЦПД звярнулі ўвагу на тое, што ў апошні час у вайне ва Украіне адбылося адразу некалькі ключавых падзей:

спыненне наступлення ворага амаль ва ўсіх кірунках;

выдаванне Украіне цяжкага ўзбраення;

эвакуацыя абаронцаў Марыупаля з «Азоўсталі».

Усе гэтыя фактары не спрыяюць акупантам у захопе ўкраінскіх тэрыторый. Аднак, нягледзячы на вайсковыя паразы, расейская прапаганда вымушана штодзённа размаўляць з аўдыторыяй, якая працягвае чакаць перамогу.

«Разумеючы, што на фоне ваенных няўдач медыйныя гісторыі пра «біялабараторыі» і «радыеактыўны попел» перастаюць працаваць, прапагандысцкія медыя пачалі перабудоўваць стратэгію і рыхтаваць расейцаў да «нечаканых вынікаў»: паразы ў вайне і капітуляцыі», — гаворыцца ў паведамленні.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».