19 жнiўня 2022, Пятніца, 17:35
Сім сім, Хартыя 97!
Рубрыкі

У Беларусі рыхтуюць новы напад на медцэнтры

1
У Беларусі рыхтуюць новы напад на медцэнтры

Дзяржкантроль анансаваў серыю «праверак».

Камітэт дзяржкантролю збіраецца выбарачна праверыць медцэнтры, каб высветліць, ці не завышаюць там цэны і ці не навязваюць пацыентам непатрэбныя паслугі. Пра гэта паведамляе прэс-служба ведамства.

У КДК сцвярджаюць, што ў цэлым, вывучэнне сітуацыі ў прыватных медцэнтрах паказала, што ў іх дзейнасці ёсць парушэнні па цэнаўтварэнні на паслугі і факты навязвання паслуг. Так, медцэнтры падаюць комплексныя паслугі па дыягностыцы, у якія ўключана некалькі тыпаў даследаванняў, пры гэтым пры фармаванні кошту гэтых даследаванняў ажыццяўляецца дубліраванне маніпуляцый (у кошт паслугі неабгрунтавана некалькі разоў уключаюцца адны і тыя ж маніпуляцыі).

- З мэтай абароны правоў пацыентаў Камітэт дзяржкантролю накіраваў медцэнтрам рэкамендацыі з патрабаваннем пералічыць кошт завышаных паслуг, а таксама даць грамадзянам права выбару паслуг без навязвання непатрэбных даследаванняў, кансультацый і працэдур, - заявілі ў КДК.

Там адзначаюць, што асобнымі камерцыйнымі медцэнтрамі аператыўна прыняты меры па выкананні гэтых рэкамендацый.

Напрыклад, медцэнтрам у Берасці за кошт выключэння дублюючых маніпуляцый у сярэднім на 15-20% зніжаны кошт правядзення комплексных даследаванняў МРТ і асобных тыпаў УГД.

Адзін са сталічных медцэнтраў знізіў кошт (на 10-12%) на ўсе тыпы комплексных даследаванняў МРТ і кошт рэнтгеналагічных даследаванняў (да 40%). Іншы - знізіў кошт паслугі пры выкананні камбінаваных УГД (у сярэднім на 14%).

Нагадаем, Міністэрства аховы здароўя прыпыніла з 16 траўня дзеянне ліцэнзій на медыцынскую дзейнасць ТАА «Клініка А1» і ТАА «Ладэ», патлумачыўшы гэта парушэннем заканадаўства аб ахове здароўя, санітарна-эпідэмічным дабрабыце і аб ліцэнзаванні.

13 траўня супрацоўнікі ДФР прыйшлі ў «Нардын». Як заяўляюць у КДК, у цэнтры выявілі парушэнні пры правядзенні артапедычных умяшанняў, а таксама выявілі факты ўхілення ад выплаты падаткаў.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».