Калі акупанты ва Украіне «выдыхнуцца»: прагноз вайсковага экспэрта

Расейскія падраздзяленні моцна стомленыя і знясіленыя.

Войскі расейскіх акупантаў ва Украіне канчаткова «выдыхнуцца» (у першую чаргу ў Ізюмскім кірунку) ужо праз некалькі дзён.

Такое меркаванне выказаў у чарговым каментары Украина 24 вядомы вайсковы экспэрт Алег Жданаў.

Наступальныя дзеянні немагчыма весці месяц запар без перадышкі - неабходна перыядычна займацца папаўненнем рэзерваў, кажа спецыяліст.

Са слоў Жданава, войскі расейскіх акупантаў, якія знаходзяцца на ўкраінскай тэрыторыі, моцна стомленыя і знясіленыя.

«Мой аналіз сведчыць аб тым, што яшчэ тры-чатыры дні, і расейскія войскі выдыхнуцца нават у Ізюмскім кірунку. Немагчыма месяц запар весці наступальныя дзеянні, трэба папаўняць рэзервы і папаўняць страты. А такога папаўнення няма», - сказаў ён.

Жданаў адзначыў, што камандаванне ўкраінскіх войскаў своечасова злавіла момант знясілення сіл ворага і контрударам збіла патэнцыял акупантаў да наступу.