28 сакавiка 2024, Чацвер, 16:53
Падтрымайце
сайт
Сім сім,
Хартыя 97!
Рубрыкі

«Санта Брэмар» спыніла пастаўкі сёмгі ў Расею

24
«Санта Брэмар» спыніла пастаўкі сёмгі ў Расею

У прадпрыемства пачаліся праблемы праз санкцыі.

Спыненне паставак нарвежскай сыравіны вымусіла найбуйнейшага беларускага перапрацоўшчыка рыбы спыніць продажы сёмгі ў Расеі. Пра гэта піша «КоммерсантЪ».

Расейская газета вывучыла анлайн-вітрыны расейскіх крам і выявіла адсутнасць у асартыменце сёмгі пад маркай «Рускае мора», якую пастаўляла беларускае СП «Санта Брэмар». У буйных сетках выданню пацвердзілі спыненне паставак сёмгі і фарэлі пад брэндам беларускага вытворцы.

Паводле інфармацыі прадстаўнікоў сеткі «Лента», ад яго было атрыманае апавяшчэнне аб складанасцях з адгрузкамі праз недахоп сыравіны. Сітуацыя можа змяніцца ў чэрвені. У іншай сетцы пацвердзілі скарачэнне асартыменту «Рускага мора», але там звязалі гэта з ростам коштаў.

У самім «Санта Брэмар» на пытанні «Коммерсанта» не адказалі. Выданне мяркуе, што ў беларускага перапрацоўшчыка ўзніклі праблемы з атрыманнем нарвежскай сыравіны пасля нападу Расеі на Украіну.

Напісаць каментар 24

Таксама сачыце за акаўнтамі Charter97.org у сацыяльных сетках