«Паслізнуўся» на манетцы: новыя падрабязнасці знішчэння бронецягніка акупантаў у Мелітопалі
8- 19.05.2022, 11:41
- 15,404
Выбух адбыўся з дзвюх прычын.
У сераду, 18 траўня, у Мелітопалі раздаўся магутны выбух на чыгуначным пуці. Як выявілася сёння, 19 траўня, расейскі браняпоезд, які перавозіў боепрыпасы з часова акупаванага Крыма, сышоў з рэек і перакуліўся, у выніку чаго боекамплект здэтанаваў.
Пра гэта паведамілі ў Запарожскай аблдзяржадміністрацыі.
Гэта адбылося з двух прычын: акупанцкай халатнасці і ўкраінскай манетцы. Расейцы не прыцягваюць чыгуначнікаў для абслугоўвання чыгуначных пад'язных шляхоў на часова акупаваных тэрыторыях, аднак працягваюць эксплуатаваць іх з перагрузкай, што прыводзіць да паскоранага зносу шляхоў.
Шляхі ў Мелітопалі не сталі выключэннем - яны былі ў неналежным стане. Таму прадстаўнікам Руху Супраціву Запарожскай вобласці было дастаткова падкласці манетку, каб выклікаць аварыю бронецягніка расейскіх захопнікаў - некалькі вагонаў з боепрыпасамі перакулілася, а затым здэтанавала. На месцы здарэння працуюць два вайсковыя краны акупантаў.
У Запарожскай АДА таксама нагадалі, што партызаны ў Мелітопальшчыне знішчылі амаль сотні акупантаў.