УСУ адбілі атаку войскаў РФ пад Ізюмам

Вораг не можа атачыць Данбас і пераходзіць у абарону.

Акупацыйнае войска Расеі разглядае Ізюмскі кірунак Харкаўскай вобласці ў якасці важнага плацдарма для атачэння Узброеных сіл Украіны на Данбасе. Пад Ізюмам захопнікі спрабуюць наступаць на Барвінкава, аднак там украінскім войскам удалося правесці контратаку і збіць іх магчымасць для атакі. Для таго, каб узяць у кола сілы ААС, разам з групоўкай з-пад Ізюма да Краматорска павінна была падысці варожая група і з поўдня ад Гуляйполя. Аднак дзякуючы паспяховым дзеянням УСУ там вораг таксама быў спынены. Сітуацыя не дазваляе ім наступаць у кірунку Севераданецка ці Краматорска, і змушае перайсці ў абарону. Аб гэтым заявіў вайсковы экспэрт Алег Жданаў.

Як паведамляе РБК-Украіна, ён распавёў аб тым, што Ізюмскі кірунак застаецца важным для акупантаў - менавіта там расейцы сабралі да 20 батальённых тактычных груп, якія спрабуюць ісці на Барвінкава. Войскі Украіны збілі іх наступальны патэнцыял, у выніку чаго вораг вымушаны абараняцца.

«Пад Ізюмам знаходзіцца найбольшая колькасць варожых войскаў - да 20 БТГр, якія спрабуюць наступаць на Барвінкава. Але там, у кірунку Барвінкава на Ізюм, украінскія войскі правялі контрудар, збіўшы наступальныя дзеянні акупантаў. Цяпер яны там перайшлі да абароны», - сказаў Жданаў.

З ягоных слоў, з-пад Ізюму расейскія войскі збіраліся наступаць уніз па мапе на раёны Данецкай вобласці, якія знаходзяцца пад кантролем Кіева.

Для развіцця наступу на Данбас і атачэння там украінскіх войскаў у той жа час павінна была падысці варожая групоўка з поўдня. Расейцы планавалі рэалізаваць адлюстраванне Курскай дугі часоў Другой сусветнай вайны і акружыць УСУ ў зоне Аперацыі аб'яднаных сіл. Магчыма, яны збіраліся дайсці ад Гуляйполя Запарожскай вобласці і ад Ізюму Харкаўскай вобласці да Краматорска. Аднак план не ўдалося рэалізаваць, бо ўкраінскія войскі спынілі іх на абодвух кірунках.

«Іх першапачатковая задума, хутчэй за ўсё, палягала ў тым, каб дайсці з поўдня ад Гуляйполя да Краматорска і ад Ізюму да Краматорска. Тое, што вораг быў спынены пад Ізюмам, не дазваляе ім развіваць наступ у кірунку Севераданецка ці Краматорска. Пад Гуляйполем мы таксама нанеслі ім паражэнне, і яны перайшлі да абароны», - падкрэсліў Алег Жданаў.