Добраахвотнікі Бучы збілі пад Кіевам найноўшую версію расейскага беспілотніка «Арлан»
2- 19.05.2022, 15:07
- 5,712
БПЛА рухаўся ў кірунку Лютыж-Гастомель.
Добраахвотнікі Бучы паведамілі, што збілі расейскі беспілотнік, які рухаўся ў кірунку Лютыж-Гастомель, паведамляе inforesist.org.
«Перадаўшы інфармацыю адпаведным падраздзяленням ДФТГ, дрон быў збіты. Ім выявіўся расейскі БПЛА «Арлан-10», 2022 года выпуску», - гаворыцца ў паведамленні.
Добраахвотнікі дадалі, што «пасадзілі» ўжо другі расейскі беспілотнік - першы быў захоплены 5 траўня.
«Абодва беспілотнікі не атрымалі значных пашкоджанняў, таму праз некаторы час будуць «пастаўленыя на крыло» і стануць служыць ужо народу Украіны», - дадаюць у паведамленні.