19 жнiўня 2022, Пятніца, 18:01
Сім сім, Хартыя 97!
Рубрыкі

У ЗША мужчына абліў лукашэнкаўскі сцяг фарбай і побач павесіў БЧБ

8
У ЗША мужчына абліў лукашэнкаўскі сцяг фарбай і побач павесіў БЧБ

Гэта адбылося на алеі сцягоў дзяржаў свету.

Следчы камітэт распачаў крымінальную справу паводле артыкула аб здзеку з дзяржаўнага флага на мужчыну, які ў ЗША абліў фарбай дзяржаўны сцяг Беларусі і замяніў яго на БЧБ.

Паводле інфармацыі следства, 28-гадовы мужчына на алеі сцягоў дзяржаў свету на тэрыторыі ЗША абліў фарбай размешчаны там дзяржаўны сцяг Беларусі. Пасля гэтага ён вывесіў пад ім таблічку з тэкстам «Country aggressor» і «размясціў на тым жа месцы палотнішча бел-чырвона-белага колеру», паведамляе Следчы камітэт.

У дачыненні да мужчыны распачалі крымінальную справу паводле артыкула 370 («Здзек з Дзяржаўнага сцяга Рэспублікі Беларусь») Крымінальнага кодэкса Рэспублікі Беларусь. Устаноўлена, што падазраваны ў 2020 годзе прыцягваўся да адміністрацыйнай адказнасці паводле артыкула 23.34 («Парушэнне парадку арганізацыі або правядзення масавых беспарадкаў»).

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».