Улады баяцца нават штор на балконах беларусаў
6- 20.05.2022, 10:31
- 8,332
Мянчанку затрымалі за бел-чырвона-белыя фіранкі.
Сілавікі затрымалі мянчанку Алену Жарыну, паведамляюць праваабаронцы.
«Пакаяннае» відэа з дзяўчынай з'явілася ў праўладных тэлеграм-каналах. Яна кажа, што павесіла бел-чырвона-белыя шторы, а таксама ўдзельнічала ў акцыях пратэсту ў жніўні 2020 года.
На Жарыну распачатая крымінальная справа паводле арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).
У 2020-2021 гадах сілавікі неаднаразова затрымлівалі людзей, у якіх бачылі бел-чырвона-белыя фіранкі, ці белыя і чырвоныя ўпрыгожванні на вокнах. Але раней іх каралі адміністрацыйнымі судамі.