Мяжу Украіны з Беларуссю пачалі ўмацоўваць у Жытомірскай вобласці
8- 20.05.2022, 11:02
- 7,416
Батальёны ўкраінскай тэрытарыяльнай абароны ўзмацняюць свае пазіцыі.
Жытоміршчына ўмацоўвае ўчастак украінска-беларускай мяжы, якая праходзіць па тэрыторыі вобласці, каб не дапусціць уварвання варожых войскаў.
Пра гэта ў відэазвароце паведаміў мэр Жытоміра Сяргей Сухамлін.
«Мы аб'язджалі пазіцыі нашых батальёнаў тэрытарыяльнай абароны, якія размяшчаюцца на мяжы з Беларуссю… Яны ўжо нядрэнна акапаліся на мяжы і мы разумеем, што другой спробы ў ворага не будзе. Не будзе магчымасці зайсці ва Украіну так, як яны зайшлі 24 (лютага. - Рэд.). З 1 траўня мы пачалі будаваць па ўсёй лініі і бетонныя блокі», - адзначыў Сухамлін.
З ягоных слоў, да ўмацавання дзяржаўнай мяжы ў межах Жытомірскай вобласці будуць прыцягнуты таксама камунальныя прадпрыемствы. Акрамя таго, за ўсімі гарадамі вобласці замацуюць участкі, якія яны будуць уладкоўваць.
«Мы пабудуем нармальную лінію абароны, каб абаронцы былі абаронены бетонам і ўсім астатнім, і для таго, каб спроб зайсці з Беларусі ў беларускага войска разам з расейскім не было», - дадаў гарадскі кіраўнік.
Працягласць украінска-беларускай мяжы ў межах Жытомірскай вобласці складае больш за 250 км.