Войскі РФ страчваюць велізарную колькасць афіцэраў у вайне з Украінай
2- 21.05.2022, 10:33
- 5,676
УСУ «выкошваюць» найбольш элітныя і баяздольныя падраздзяленні ворага.
Пятую частку публічна пацверджаных ліквідаваных расейскіх вайскоўцаў падчас поўнамаштабнай вайны ва Украіне складаюць афіцэры.
Пра гэта піша выданне "Медыязона".
Пры гэтым іх чацвёртая частка – старэйшы афіцэрскі склад – маёры, падпалкоўнікі і палкоўнікі.
Пацверджаная ліквідацыя генерал-маёра 41-й арміі Андрэя Сухавецкага, генерал-маёра 8-й арміі Уладзіміра Фралова і замкамандзіра Чарнаморскага флоту РФ, капітана першага рангу Андрэя Палія.
Адзначаецца, што часцей за ўсё гінулі прадстаўнікі Дагестана, Бураціі і Валгаградскай вобласці, дзе сярэдні заробак ніжэйшы за медыянны ў Расеі.
Акрамя афіцэрскага складу, Узброеныя сілы РФ панеслі страты ў войсках, якія прынята называць элітнымі і найболей баяздольнымі, – гэта ПДВ, марская пяхота і атрады спецпрызначэння.