Беларускі батальён імя Кастуся Каліноўскага рэарганізавалі ў полк

Новае фармаванне беларусаў павялічылася за кошт яшчэ двух батальёнаў.

Батальён беларускіх добраахвотнікаў імя Кастуся Каліноўскага, які ўваходзіць ва Узброеныя сілы Украіны, рэарганізавалі ў полк. У гэты полк увойдуць два батальёны.

Пра гэта паведамляе прэс-служба беларускага палка імя Кастуся Каліноўскага.

«Беручы да ўвагі маштаб задачаў, якія стаяць перад беларускімі ваярамі, пераходзім да наступнага этапу развіцця нацыянальнай вайсковай часці. Абвешчана пра стварэнне Беларускага палка імя Кастуся Каліноўскага, у які ўвойдуць батальён "Літвін" і батальён "Волат"», – гаворыцца ў паведамленні.