Адзін з флагманаў беларускага тэкстылю другі год запар працуе ў мінус

Чыстая страта прадпрыемства перавысіла 6 млн рублёў.

ААТ «Магатэкс», адзін з флагманаў беларускага тэкстылю, другі год запар спрацавала ў мінус, піша OL. За 2021 год чыстая страта перавысіла 6 млн рублёў. Годам раней было прыкладна мінус 15 млн.

У той жа час ёсць невялікі рост прыбытку: 118 млн рублёў супраць 106 млн. Некампенсаваныя страты крыху знізіліся, але сума пакуль істотная — звыш 49 млн.

«Магатэкс» на 98,52% належыць дзяржаве. Астатнія мікрадолі ў больш чым 7,6 тысяч фізічных асоб. Аснова вытворчасці - баваўняныя тканіны. У кампаніі таксама ёсць дзевяць крам у Магілёве, Берасці, Рагачове, Бабруйску, Кобрыне.

Як паведамлялася, адной з прычын аперацыйных страт могуць быць інвестыцыі ў вытворчасць.