Беларускае аб'яднанне рабочых падарыла палку Каліноўскага яшчэ адзін пазадарожнік
2- 21.05.2022, 20:21
- 9,002
Каманда БАР спадзяецца, што гэта дапаможа наблізіць агульную перамогу над дыктатарскімі рэжымамі.
Беларускае аб'яднанне рабочых у гонар фармавання «Палка Каліноўскага» падрыхтавала і перадало чарговы аўтамабіль для беларускіх байцоў ва Украіне.
Дзякуючы дапамозе і падтрымцы з усяго свету БАР можа закупляць і перадаваць аўтамабілі, амуніцыю і гуманітарную дапамогу для байцоў палка Каліноўскага.
«Вось і на гэты раз з дапамогай удзельнікаў стачкі на ААТ «Беларуськалій», каманда змагла набыць, падрыхтаваць і перадаць надзейны магутны і грузападымальны пазадарожнік для нашых байцоў.
Шчыра спадзяемся, што гэта дапаможа наблізіць агульную перамогу над дыктатарскім рэжымам путлера-лукавага», - піша каманда БАР.