The Times: Брытанскія ракеты Brimstone змянілі ход падзей на Данбасе

Brimstone класа «паветра-зямля»/«зямля-зямля» здольная прабіваць усе вядомыя тыпы брані.

Супрацькарабельныя ракеты Brimstone, якія ўваходзяць у вялікі пакет дапамогі Украіне ад Вялікай Брытаніі, станоўча «змянілі дынаміку» ходу падзей на ўсходзе Данбаса, піша брытанская газета The Times (пераклад - unian.net) са спасылкай на дарадцу міністра абароны Бэна Мурса.

З ягоных слоў, супрацьтанкавыя ракеты нясуць сур'ёзную пагрозу «ўразлівым» расейскім фармаванням, нават калі яны знаходзяцца за некалькі міль ад лініі фронту.

Раней у Мінабароны Украіны ўжо дзяліліся відэа з удалым ужываннем брытанскіх ракет. На кадрах відаць, як украінскія абаронцы філігранна ўразілі варожыя цэлі: абедзве адзінкі тэхнікі былі знішчаныя, адна з іх разляцелася на часткі.

Што такое Brimstone

Брытанская ракета класа «паветра-зямля» і «зямля-зямля», якая здольная паражаць усе вядомыя тыпы броні. Гэтымі ракетамі брытанцы яшчэ да расейскага ўварвання хацелі ўзброіць ракетныя катэры, якія ў крэдыт планавалі пабудаваць для Украіны. Але цяпер Brimstone ў максімальна сціснутыя тэрміны ўсталявалі на лёгкае наземнае шасі, ператварыўшы ў берагавы ракетны комплекс.

У чым яе перавагі

У высокай дакладнасці. У радыусе дзеяння 20-60 км. У звышгукавой хуткасці. Яшчэ адна асаблівасць ракеты - магчымасць залпавага пуску, калі кожная ракета наводзіцца на сваю асобную цэль.

Ці ёсць у агрэсара такія аналагі

Не. Як і магчымасці іх збіваць. Танкісты даведаюцца аб залпе ўжо тады, калі вакол пачнуць узрывацца танкі.