У Энэргадары партызаны ўзарвалі пад'езд, у якім знаходзіўся расейскі «гаўляйтар» горада
26- 22.05.2022, 11:23
- 22,310
Калабарант з раненнямі трапіў у рэанімацыю.
У часова акупаваным Энэргадары ў нядзелю раніцай невядомыя ўзарвалі дзверы пад'езда, дзе ў той час знаходзіўся мясцовы расейскі гаўляйтар, «кіраўнік вайсковай адміністрацыі» Андрэй Шэўчык. Паводле звестак мясцовага выдання «Энергодар сегодня», калабарант атрымаў раненні.
«Сёння раніца пачалася не з кавы. А 8:30 жыхары прачнуліся ад выбуху, які прагрымеў на Вуліцы Курчатава, 38», - паведамляе выданне ў Telegram.
Паводле папярэдніх звестак у пад'ездзе дома пражывала маці расейскага памагатага, якую ён наведваў кожную раніцу.
Сам калабарант зараз знаходзіцца ў рэанімацыі.