The Telegraph: Пуцін пацярпеў паразу ў баях за Кіеў і Харкаў і аказаўся ў ізаляцыі

Нават прапаганда на расейскай ТВ кажа пра з'яўленне мільённага войска УСУ з перадавой зброяй ад Захаду.

Прэзідэнту Расеі Уладзіміру Пуціну пасля нападу на Украіну не ўдалося абгрунтаваць свае глабальныя прэтэнзіі. Яго войска пацярпела паразу ў баях пад Кіевам і Харкавам, эканоміка зазнала жорсткія санкцыі, а сам кіраўнік Крамля апынуўся амаль у поўнай ізаляцыі. Нават на расейскай прапагандысцкай тэлевізіі ўжо папярэджваюць Маскву, што хутка ўкраінскае войска будзе налічваць мільён чалавек, узброеных сучаснай заходняй зброяй.

У матэрыяле The Telegraph гаворыцца аб тым, што Пуцін стаў самым адзінокім чалавекам на планеце. Пасля пачатку вайны супраць Украіны ён быў практычны ў поўнай ізаляцыі.

Журналісты пішуць, што напад на ўкраінскую дзяржаву абярнуўся не доказам «першакласнага» ўзроўню Расеі, а правалам. Краіна Пуціна ўжо стала трэцягатунковай з прычыны абвалу эканомікі, страты рэпутацыі і сотняў санкцыйных абмежаванняў.

Магчыма, Пуцін разлічваў на поспех сваёй так званай тактыкі «падзяляй і пануй», аднак у выніку ён падбіў супраць сябе ўвесь цывілізаваны свет. Нават штатныя «экспэрты» паспелі памяняць сваю рыторыку і падкрэсліваюць фальшывасць палітыкі Масквы.

Кіраўніка РФ ужо папярэдзілі, што Расею чакае мільённы кантынгент УСУ, які будзе ўзброены сучаснай зброяй Захаду.

«Штатны вайсковы экспэрт дзяржаўнай тэлевізіі палкоўнік Міхаіл Хадаронак заявіў мільёнам расейскіх тэлегледачоў, што афіцыйная прапаганда, якая сцвярджае, што ўкраінскае войска дэмаралізаванае, «мякка кажучы, ілжывая». Ён папярэдзіў, што хутка Расея сутыкнецца з мільённым украінскім кантынгентам, узброеным» - адзначае выданне.

Крэмль спрабуе змяніць пасыл сваёй прапаганды з трыумфальнай рыторыкі і прадставіць Расею ахвярай, якая змагаецца за існаванне. Але такія мэсанджары расцэньваюцца як спроба апраўдаць свае няўдачы на вайне. Ад Пуціна чакалі заяў пра «перамогі» 9 траўня падчас параду, але такіх заяў не было.