Латвія прадоўжыла рэжым НС на мяжы з Беларуссю
- 22.05.2022, 17:14
- 2,182
Рэжым НС прадоўжаны да 10 жніўня.
Сейм Латвіі падтрымаў пастанову ўрада аб прадаўжэнні надзвычайнай сітуацыі на латвійска-беларускай мяжы да 10 жніўня. Аб гэтым піша delfi.lv.
Змены прадугледжваюць падаўжэнне надзвычайнай сітуацыі да 10 жніўня ў Лудзенскім, Краслаўскім і Аўгшдаўгаўскім краях, а таксама ў горадзе Даўгаўпілсе.
Рэжым НС на паўднёвым усходзе Латгале, каля дзяржаўных межаў Латвіі і Беларусі, быў абвешчаны ў жніўні мінулага года праз міграцыйны крызіс.
Пазней Латвія некалькі разоў прадаўжала НС.