Ізраіль змяніў правілы ўезду для беларусаў

Што зменіцца.

Шлях у Ізраіль з Беларусі па паветры значна павялічыўся пасля ўвядзення Расеяй абмежаванняў на палёты - цяпер у краіну трэба ляцець не пяць гадзін, а амаль дзевяць.

Ізраіль з 21 траўня змяніў правілы ўезду ў краіну, якія датычацца каранавірусных абмежаванняў, паведамляе авіякампанія «Белавія».

Дарэчы, касуецца абавязковае тэсціраванне на COVID-19 у міжнародным аэрапорце Бэн-Гурыён у Тэль-Авіве. Таксама цяпер не трэба праходзіць 24-гадзінны карантын пасля ўезду ў Ізраіль, а пасажыры не абавязаныя паказваць адмоўны ПЛР-тэст у аэрапорце вылету.

Акрамя таго, на рэйсах у Ізраіль больш не давядзецца быць у масках - з 23 траўня. Праўда, спачатку гэтую пастанову павінен ухваліць ізраільскі парламент - Кнэсет.

Пры гэтым авіяпасажыры па-ранейшаму павінны запоўніць бланк дэкларацыі аб уездзе не раней, чым за 48 гадзін да вылету ў Ізраіль. Зрабіць гэта можна на сайце Міністэрства аховы здароўя краіны. Правяраць дакумент будзе авіякампанія, якая выконвае рэйс.

Новыя правілы датычацца ўсіх замежных пасажыраў, якія прыбываюць у Ізраіль.

Праз закрыццё для цывільных палётаў часткі паветранай прасторы Расеі лайнеры ў Ізраіль не ляталі з Беларусі з лютага 2022-га. Аднак з 2 чэрвеня «Белавія» аднаўляе рэйсы, але ўжо новым маршрутам.

Самалёты з Менска будуць лятаць у Тэль-Авіў з тэхнічным прыпынкам у Баку, там лайнеры будуць дадаткова запраўляцца. Час у дарозе пры гэтым істотна павялічыцца. Калі раней самалёт з беларускай сталіцы ў Тэль-Авіў ляцеў 4 гадзіны і 40 хвілін, цяпер - амаль 9.

У «Белавія» падкрэсліваюць, што ранейшыя рэйсы з Менска ў Тэль-Авіў ці з Тэль-Авіва ў Менск касуюцца з 1 чэрвеня 2022 года да 23 сакавіка 2023 года.