«Мілан» упершыню за 11 гадоў стаў чэмпіёнам Італіі

«Мілан» на два пункты выперадзіў «Інтэр».

"Мілан" стаў пераможцам чэмпіянату Італіі сэзону-2021/22.

У заключным туры каманда Стэфана Піёлі на выездзе атрымала перамогу над "Сасуолай" з лікам 3:0. Гэта дазволіла "расанэры" набраць 86 балаў і на два пункты выперадзіць "Інтэр". Трэцяе месца заняў "Напалі".

Для "Мілана" гэта першае чэмпіёнства з 2011 года і 19-е ў гісторыі клуба. У гэтым паказчыку клуб зраўняўся з "Інтэрам", а больш трафеяў толькі ў "Ювентуса" - 36.