Украінскія вайскоўцы адбілі 11 нападаў на Данбасе

Збіты самалёт і беспілотнік.

Сёння, 22 траўня, украінскія вайскоўцы адбілі на Данбасе 11 нападаў расейскага войска. Знішчаная вялікая колькасць тэхнікі ворага, у тым ліку штурмавік Су-25 і беспілотнік.

Пра гэта паведамляе РБК-Украіна са спасылкай на прэсавы цэнтр групоўкі Аб'яднаных сіл.

Вораг працягвае ўжыванне па ўсёй лініі фронту артылерыі, авіяцыі, танкаў і мінамётаў. Сёння ўкраінскія абаронцы адбілі 11 варожых атак.

У часе сённяшніх баёў расейскія войскі страцілі:

6 танкаў;

10 браняваных машын;

6 аўтамабіляў, у тым ліку два цяжкавікі з боепрыпасамі.

Акрамя таго, сіламі супрацьпаветранай абароны былі збітыя самалёт Су-25 і беспілотнік тыпу "Арлан-10".

Агуоам за мінулы тыдзень у зоне групоўкі Аб'яднаных сіл былі адбітыя 84 варожыя атакі. Знішчана:

1 зенітны ракетны комплекс;

43 танкі;

20 артылерыйскіх сістэм, у тым ліку 4 РСЗА;

84 браняваных фаўтамабіляў;

34 аўтамабілі;

сілы СПА збілі 3 самалёты і 18 беспілотнікаў.