5 лiпеня 2022, aўторак, 19:39
Сім сім, Хартыя 97!
Рубрыкі

Экс-кіраўніца МЗС Аўстрыі пакінула раду дырэктараў «Раснафты»

9
Экс-кіраўніца МЗС Аўстрыі пакінула раду дырэктараў «Раснафты»

Карын Кнайсль пайшла ўслед за Шрэдэрам.

Былая кіраўніца МЗС Аўстрыі Карын Кнайсль пайшла з пасады чальца рады дырэктараў расейскай кампаніі «Раснафта». Пра гэта гаворыцца ў заяве кампаніі ў панядзелак, піша liga.net.

Паводле паведамлення кампаніі, Кнайсль пайшла ў адстаўку 20 траўня.

У «Раснафце» адзначылі, што разлічваюць на супрацоўніцтва з Кнайсль у будучыні, бо ўважаюць яе за «вядучую прадстаўніцу міжнароднай экспэртнай супольнасці».

Кнайсль увайшла ў раду дырэктараў у чэрвені 2021 года. Яна падтрымлівала цесныя сувязі з дыктатарам Пуціным, будучы кіраўніцай МЗС Аўстрыі ў 2017-2019 гадах.

Зрэшты, Пуцін быў госцем на вяселлі Кнайсль у 2018 годзе, дзе яны танчылі падчас святкавання.

19 траўня Еўрапарламент прыняў рэзалюцыю, выставіўшы былому канцлеру Нямеччыны Шродэру і Кнайсль ультыматум: звальненне з «Раснафты» або санкцыі.

20 траўня Герхард Шрэдэр пагадзіўся сысці з рады дырэктараў «Раснафты».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».