У Мелітопалі ўкраінскія партызаны ўзарвалі чыгуначныя шляхі

На месца выбуху расейцы адправілі бронецягнік і групу жаўнераў.

У часова акупаваным Мелітопалі ўкраінскія партызаны ўзарвалі чыгуначныя шляхі, па якіх расейскія фашысты ажыццяўлялі важныя лагістычныя перавозкі, паведамляе «Уніян» са спасылкай на РІА «Мелітопаль».

Раніцай у горадзе прагрымеў выбух ля мясакамбіната, які пашкодзіў рэйкі. На месца выбуху расейскія захопнікі адправілі бронецягнік і групу аўтаматчыкаў, якія праводзілі зачыстку тэрыторыі.

Раніцай 23 траўня мясцовыя жыхары бачылі чорны клубок дыму паблізу мясакамбіната.

Раней амерыканскі Інстытут вывучэння вайны вызначыў Мелітопаль як цэнтр партызанскага руху. Паводле інфармацыі гарадскога кіраўніка Івана Фёдарава, з пачатку акупацыі мясцовыя патрыёты правялі больш за 20 паспяховых аперацый супраціву акупантам, пашкодзілі аб'екты крытычнай інфраструктуры падвойнага прызначэння, падалі каштоўны масіў ваеннай інфармацыі аб дыслакацыі акупацыйных войскаў украінскай выведцы і ліквідавалі больш за сотню акупантаў.