У Харкаўскай вобласці УСУ вызвалілі ўжо 24 населеныя пункты
6- 23.05.2022, 17:37
- 17,166
УСУ паступова пераходзяць у контрнаступ.
Галоўнакамандуючы войскамі Узброеных Сіл Украіны генерал Валерый Залужны паведаміў, што ўкраінскія вайскоўцы ўжо вызвалілі ад акупацыйнага прыгнёту 24 населеныя пункты Харкаўшчыны. Сярод іх - сяло Кутузаўка, жыхары якога жылі ў падвале больш за 2 месяцы.
Залужны распавёў, што ў пачатку ўкраінскія абаронцы дэакупавалі сяло Кутузаўку Альхоўскай сельскай грамады Харкаўскай вобласці, піша 24 канал.
З ягоных слоў, амаль 170 мясцовых жыхароў Кутузаўкі прабылі ў падвале дзіцячага садка больш за 2 месяцы - людзі хаваліся ад абстрэлаў расейскіх акупантаў і баяліся выйсці на вуліцу.
Сярод тых, хто жыў у падвале былі і дзеці - у бесчалавечных умовах хаваліся 40 дзяцей ва ўзросце ад 3 месяцаў да 12 гадоў.
Украінскія абаронцы, якія змаглі адбіць сяло, надалі першую медыцынскую дапамогу мясцовым жыхарам, а таксама дапамаглі з усім неабходным для жыцця - вадой, ежай і адзеннем.
«Кожны дзень, знішчаючы ворага, вызваляючы гарады і вёскі ад акупантаў, аднаўляючы інфраструктуру, вайскоўцы Узброеных Сіл Украіны спыняюць злачынствы расейскай федэрацыі супраць цывільнага насельніцтва і перашкаджаюць учыненню новых. Наш абавязак - абараніць свой народ і сваю дзяржаву. І мы яго з гонарам выконваем. Разам да Перамогі»! – Напісаў Валерый Залужны.