Калі Украіна можа перайсці ў маштабны контрнаступ: прагноз экспэртаў

Да гэтага тэрміну будзе назапашаная крытычная маса ўзбраенняў.

Украінскае войска можа перайсці ў маштабны контрнаступ на расейскія войскі прыкладна да ліпеня. Менавіта да гэтага тэрміну будзе назапашаная крытычная маса ўзбраенняў.

Пра гэта гаворыцца ў матэрыяле РБК-Украіна "Да канца года і даўжэй. Асноўныя сцэнары вайны Расеі супраць Украіны".

Як адзначыў кіраўнік Цэнтра вайсковых-прававых даследаванняў Аляксандр Мусіенка, украінскія войскі на сёння паспяхова прыпыняюць або робяць зусім немагчымым прасоўванне супраціўніка на Данбасе. А таксама ствараюць умовы для пераходу ў контрнаступ.

"Наступная стадыя - мы паспрабуем спыніць прасоўванне расейцаў па ўсіх напрамках, асабліва на ўсходзе, і будзем назапашваць крытычную масу ўзбраенняў для пераходу ў контратаку, а расейцы будуць акопвацца і будаваць ахоўныя рубяжы", - сказаў ён.

Ён падкрэсліў, што калі пастаўкі заходняй зброі ва Украіну будуць ісці ў неабходным аб'ёме, то прыкладна да ліпеня з'явяцца перадумовы для маштабнага контрнаступу. Падобныя часавыя рамкі даюць і экспэрты з Conflict Intelligence Team.

Пры гэтым шмат што будзе залежаць ад таго, як на практыцы будзе рэалізоўвацца праграма дапамогі Украіне ў рамках лэнд-лізу. Калі ўсё пойдзе без затрымак, то, са слоў аднаго з інфармаваных суразмоўцаў выдання ва ўладзе, ужо праз пару месяцаў Украіна сапраўды набярэ крытычную масу ўзбраенняў, неабходных для паспяховай дэакупацыі сваіх тэрыторый.

Нагадаем, паводле звестак амерыканскага Інстытута вывучэння вайны расейскія войскі ўмацоўваюць абарончыя рубяжы і рыхтуюцца да зацяжных баёў на поўдні Украіны.